പാ​റ്റ്ന: ബി​ഹാ​ർ നി​യ​മ​സ​ഭാ തെ​ര​ഞ്ഞെ​ടു​പ്പി​ന്‍റെ ഫ​ലം പു​റ​ത്തു​വ​രു​മ്പോൾ ത​ക​ർ​ന്ന​ടി​ഞ്ഞി​രി​ക്കു​ക​യാ​ണ് കോ​ൺ​ഗ്ര​സ്. ക​ഴി​ഞ്ഞ ത​വ​ണ 19 സീ​റ്റു​ക​ളി​ൽ വി​ജ​യി​ച്ച കോ​ൺ​ഗ്ര​സി​ന് നാ​ല് സീ​റ്റി​ൽ മാ​ത്ര​മാ​ണ് മു​ന്നേ​റാ​നാ​കു​ന്ന​ത്.

കോ​ൺ​ഗ്ര​സി​ന്‍റെ വീ​ഴ്ച​യി​ൽ രാ​ഷ​ട്രീ​യ ലോ​കം പ​ഴി​ക്കു​ന്ന​ത് ലോ​ക്സ​ഭാ പ്ര​തി​പ​ക്ഷ നേ​താ​വ് രാ​ഹു​ൽ ഗാ​ന്ധി​യെ​യാ​ണ്. ആ​ർ​ജെ​ഡി​യു​മാ​യി സ​ഖ്യ​ത്തി​ലാ​ണ് മ​ത്സ​രി​ച്ച​തെ​ങ്കി​ലും ഒ​വൈ​സി​യു​ടെ പാ​ർ​ട്ടി​യേ​ക്കാ​ൾ കു​റ​വ് സീ​റ്റു​ക​ളി​ലാ​ണ് കോ​ൺ​ഗ്ര​സി​ന് മു​ന്നേ​റാ​നാ​കു​ന്ന​ത്.

എ​സ്ഐ​ആ​റി​നെ​തി​രെ ബി​ഹാ​റി​ൽ വോ​ട്ട​ർ അ​ധി​കാ​ർ യാ​ത്ര​യും ദേ​ശീ​യ ത​ല​ത്തി​ൽ ത​ന്നെ വോ​ട്ട് ചോ​രി അ​ട​ക്ക​മു​ള്ള വി​ഷ​യ​ങ്ങ​ൾ ഉ​ന്ന‍​യി​ച്ചെ​ങ്കി​ലും രാ​ഹു​ലി​ന് ബി​ഹാ​റി​ൽ ഒ​രു സ്വാ​ധീ​ന​വും ചെ​ലു​ത്ത​നാ​യി​ട്ടി​ല്ല. ജ​നം രാ​ഹു​ലി​ന്‍റെ വാ​ദ​ങ്ങ​ൾ എ​ല്ലാം ത​ള്ളു​ന്ന കാ​ഴ്ച​യാ​ണ് ബി​ഹാ​റി​ൽ ക​ണ്ട​ത്.ന്യൂ​ന​പ​ക്ഷ വോ​ട്ടു​ക​ൾ കൂ​ടു​ത​ൽ ഉ​ള്ള മേ​ഖ​ല​ക​ളി​ൽ പോ​ലും കോ​ൺ​ഗ്ര​സി​ന് മു​ന്നേ​റാ​ൻ സാ​ധി​ച്ചി​ട്ടി​ല്ല.

സീ​മാ​ഞ്ച​ൽ മേ​ഖ​ല​യി​ല​ട​ക്കം കോ​ൺ​ഗ്ര​സി​ന് ക​ന​ത്ത തി​രി​ച്ച​ടി​യാ​ണ്. ഇ​വി​ടെ​യെ​ല്ലാം ഒ​വൈ​സി​യു​ടെ പാ​ർ​ട്ടി​ക്കാ​ണ് മു​ന്നേ​റാ​ൻ സാ​ധി​ച്ച​ത്. രാ​ഹു​ലി​നെ ന്യൂ​ന​പ​ക്ഷ​ങ്ങ​ൾ പോ​ലും ത​ള്ളു​ന്ന​ത് ദേ​ശീ​യ രാ​ഷ്ട്രീ​യ​ത്തി​ൽ അ​ദ്ദേ​ഹ​ത്തെ അ​പ്ര​സ​ക്ത​നാ​ക്കു​ന്നു​ണ്ട്.

ഇ​നി ന​ട​ക്കാ​നി​രി​ക്കു​ന്ന കേ​ര​ളം അ​ട​ക്ക​മു​ള്ള സം​സ്ഥാ​ന​ങ്ങ​ളി​ലെ തെ​ര​ഞ്ഞെ​ടു​പ്പു​ക​ളെയും ഈ ​ഫ​ലം സ്വാ​ധീനി​ക്കാ​നാ​ണ് സാ​ധ്യ​ത. രാ​ഹു​ൽ പ്ര​വ​ർ​ത്ത​ന ശൈ​ലി മാ​റ്റി​യി​ല്ലെ​ങ്കി​ൽ ഇ​നി​യും തി​രി​ച്ച​ടി​ക​ൾ തു​ട​രു​മെ​ന്ന കാ​ര്യം ഉ​റ​പ്പാ​ണ്. കു​ള​ത്തി​ൽ ചാ​ടു​ന്ന​ത​ട​ക്ക​മു​ള്ള​ത​ല്ല യ​ഥാ​ർ​ഥ പ്ര​ചാ​ര​ണ രീ​തി എ​ന്ന​തും ബി​ഹാ​റി​ലെ ജ​ന​ങ്ങ​ൾ ഓ​ർ​മി​പ്പി​ക്കു​ന്നു.

വോ​ട്ടെ​ണ്ണ​ൽ ആ​റ് മ​ണി​ക്കൂ​ർ പി​ന്നി​ടു​ന്നോ​ൾ എ​ൻ​ഡി​എ കു​തി​ക്കു​ക​യാ​ണ്. 200 സീ​റ്റു​ക​ളി​ലാ​ണ് എ​ൻ​ഡി​എ മു​ന്നേ​റു​ന്ന​ത്. വെ​റും 37 സീ​റ്റി​ൽ മാ​ത്ര​മാ​ണ് മ​ഹാ​സ​ഖ്യം മു​ന്നി​ലു​ള്ള​ത്.